اليوم تذكرت غنوة (لطيفة) عند وداع محفوظ مصر..وادركت حجم اعتراف و احترام العالم لمحفوظ -نوبل مصر و الثقافة العربية-حينما قرأت رثاء بوش و شيراك و غيرهم من الزعماء &عرفت اننا كمصريين لا ندرك قيمة حاجاتنا الحلوة غير بامرين اما ان يكتشفها غيرنا و يقدرها ...من اول اثار الفراعنة الى محفوظ و زويل ؟ او ان تموت و تذهب الى خالقها ..من اول رمسيس الى الرئيس السادات ؟ ناهيك عن كلامنا عن سلبيات الناجحين و عدم الاشادة بعظمة افكارهم
Thursday, August 31, 2006
ده اسمه كلام يا ناس ؟-النصف الاول؟
ده اسمه كلام يا ناس
الله يرحمه السادات عمل سلام مع اسرائيل وقال مش عاوز ولادى يموتوا
قلنا طيب كتر خيرك!!
ضحينا بمواقف خارجية و سيادة اقليمية و قلنا نبنى و نعمر و نكبر و ده كلام جميل;
بس النتيجة الان ان ولاده عمالين يموتوا بالزوفة ؟
استكتروا على الغلابة -وهم الاكثرية من الشعب- التعليم و بداوا يخصخصوه ..قلنا ماشى..راسمالية؟
استكتروا عليهم العلاج و قالوا اترموا فى المصحة و خدوا دور ..قلنا معلهش الامكانيات ؟
استكتروا عليهم يروحوا اشغالهم بطريقة انسانية ..اتزنقوا الغلابة فى علب سردين و على سلالم القطر ..وقلنا كتير ?
الله يرحمه السادات عمل سلام مع اسرائيل وقال مش عاوز ولادى يموتوا
قلنا طيب كتر خيرك!!
ضحينا بمواقف خارجية و سيادة اقليمية و قلنا نبنى و نعمر و نكبر و ده كلام جميل;
بس النتيجة الان ان ولاده عمالين يموتوا بالزوفة ؟
استكتروا على الغلابة -وهم الاكثرية من الشعب- التعليم و بداوا يخصخصوه ..قلنا ماشى..راسمالية؟
استكتروا عليهم العلاج و قالوا اترموا فى المصحة و خدوا دور ..قلنا معلهش الامكانيات ؟
استكتروا عليهم يروحوا اشغالهم بطريقة انسانية ..اتزنقوا الغلابة فى علب سردين و على سلالم القطر ..وقلنا كتير ?
ده اسمه كلام يا ناس ؟-النصف التانى؟
بس العيال بيموتوا كل يوم ?
اشى حادثة سيارة ؟ و اشى اتوبيس ؟ و اشى عبارة ؟ و القطر ولع ؟
و حتى المسرح ولع ؟ و الطيارات حدث و لا حرج ؟و اخرها القطر اتقلب ؟
يا نهار اسود ؟؟
اللى باقى ان البيوت تنهد على الناس و هى قاعدة جواها ؟
سلام قولا من رب رحيم؟ا
ايه اللى بيحصل فى مصر يا جماعة ؟
الحقونا قبل الطوفان ؟
و برضه فى الطوفان الغلابة حايغرقوا لان معندهمش يخوت؟
و حبايبنا و اسيادنا الكبار جاهزين بالشورت ؟
اول ناس يسيبوا المركب ؟
اشى حادثة سيارة ؟ و اشى اتوبيس ؟ و اشى عبارة ؟ و القطر ولع ؟
و حتى المسرح ولع ؟ و الطيارات حدث و لا حرج ؟و اخرها القطر اتقلب ؟
يا نهار اسود ؟؟
اللى باقى ان البيوت تنهد على الناس و هى قاعدة جواها ؟
سلام قولا من رب رحيم؟ا
ايه اللى بيحصل فى مصر يا جماعة ؟
الحقونا قبل الطوفان ؟
و برضه فى الطوفان الغلابة حايغرقوا لان معندهمش يخوت؟
و حبايبنا و اسيادنا الكبار جاهزين بالشورت ؟
اول ناس يسيبوا المركب ؟
Tuesday, August 29, 2006
الشبكة عطلانة ؟؟ اعمل ايه عشان اتواصل معاكم؟
الموقع بيفرض عليا اكتب سطور قليلة او اقسمها ؟
ارجوكم تستحملونى
و لا تحرمونى رؤياكم ؟
الفيلسوف
Tuesday, August 22, 2006
حكومة ( الشورت) تيرم؟
اخر اخبار و دليل ان حكومتنا حكومة الشورت تيرم
بدون حل جذرى للمشاكل طويل المدى قائم على خطة و علم؟
هو حادث ذلك القطار؟
و لا حول و لا قوة الا بالله؟
ارحمونا و طولوا الشورت؟
بدون حل جذرى للمشاكل طويل المدى قائم على خطة و علم؟
هو حادث ذلك القطار؟
و لا حول و لا قوة الا بالله؟
ارحمونا و طولوا الشورت؟
Sunday, August 20, 2006
اولادنا و الشورت ؟؟
لربما يظن من يقرا العنوان انى اقصد تكوين جملة سليمة مثل ( يلبس الاولاد الشورت فى الصيف ) مثلا؟
و حقيقة الامر انه ليس هناك جملة سليمة فى حياتنا المسماة مجازا -عربية -حتى الان؟
و لا ادرى ما تمسكنا بهذا الوهم الجاثم على قلوبنا حتى تخلفنا و صرنا جميعا لا فائدة منا للعالم الحديث
بس ...خطب ...و شعارات ..و صياح ..و قنوات و برامج مخصوصة للصياح و التنفيس و البقاء داخل هذا المستنقع؟
وبالطبع لا يهمنى هنا الحديث عن ارباح شركات الاتصالات ..بقدر ما يهمنى الحديث عن واقع مر غبى فرض علينا و لا زال ؟
اسمه كل من يشتم فى اسرائيل او يرمى طوبة ..يصبح بطل قومى ؟و تصير له شعبية و نسير له المظاهرات شرقا و غربا؟
و نتخانق على مين يتبناه ؟او يعمل صاحبه؟
و المصيبة كانت و لا زالت اعمق ؟
من اين نستورد اكلنا ؟ التكنولوجيا التى نعيش عليها ؟ العلم الذى نستفيد منه ؟تعليمنا حتى قيمنا؟
نحن يا سادة ..عالة على المجتمع المتطور ...سواء كان غربيا ام فى اقصى الشرق؟
دعونا من الخناق بتاع الحكومات لان نظرهم كله قصير ..يخص نظرية الشورت تيرم التى تحدثت عنها ؟
و اغلبه للاستهلاك المحلى ..بصرف النظر عن مصلحة البلاد و العباد ؟خذ مثالا لذلك كلام السيد بشار او كلام السيد الحريرى؟
و الباقون ليسوا بمعزل عن هذا الهراء ؟ فهم اصحاب قيادة قصيرة النظر و لا تفكير و لا تخطيط لمستقبل اولادنا و لا نظرة واحدة على اساس علمى؟
هنا يا سادة الاشتراك و التشابك ؟ ؟؟
اولادنا هم المستقبل هم الجيل اللى ممكن يعوض تخلفنا الخمسين سنة الماضية ؟ اى هم اللونج تيرم ؟
وواضح الفرق الان بين اللونج و الشورت ؟
الجديد انهم بعد فشلهم جميعا يحاولون الان خلق انتصارات زائفة و السعى وراها او مواقف غريبة و الوقوف خلفها ؟
و يحاولون بذلك جر شعوبهم وراهم للوقيعة مع الشعوب الاخرى ؟
طيب مالنا احنا نتخانق و بنات سوريا مثلا؟ مش حرام و النبى؟
لا شورت شورت ..ان شا الله ميكرو ..بس خلوا حبل الوداد موصول؟
Saturday, August 19, 2006
ناس و ناس ؟؟
فرق كبير؟؟؟
فرق كبير بين ناس عاوزة تتقدم و تستغل اى حدث فى حياتها بواقعية لتقوية قواها
و التعلم من اخطاءها و تلافى ضعفها ...لعل افضل مثال لذلك ..ما يحدث الان فى اسرائيل
بعد ان دمرت و خربت و حرقت كل لبنان و ابعدت حزب الله من الحدود و نشرت قوات دولية
و اعادت الجيش للجنوب ..و لكن لانها لم تسحق كل مواقع الصواريخ و لم تحرر الاسيرين؟
يطالبون باستقالة رئيس الاركان و اقالة الحكومة و فتح تحقيق حول ما حدث؟؟؟
ناس عاوزة تتعلم من الدرس و تتقدم؟
و ده اللى خلاهم جزء من ال 500 جامعة فى المنطقة؟؟
انظر الى جزء من امتنا العربية و الاسلامية؟؟
حزب الله ..المقاوم الصامد ..الذى ربما لم يتوقع قوة الرد الاسرائيلى حينما خطف الاسيرين
و الذى صمد صمودا يحسب له مثلما صمدت مدن القناة التى دمرت ايضا –و لهدف اسمى-
من ثلاث قوى عالمية فى سنة 1956 و اعتبر نصرا وقتها بمبالغة تحدث الان من حزب الله و الشيعة
لحسابات سياسية تخدم ايران على الارض و فى المنطقة ..
و تلك المبالغة باى حال ليست فى صالح الناس و المستقبل ؟
انما تعلم الدرس ..و الهدف الاستراتيجى و كيفية تنفيذ تكتيكه هو ما يخدم المنطقة و المستقبل
و ليست المبالغة و المعايرة ...و الكلام الانفعالى تانى؟؟
اتمنى اكون وصلت النقطة؟؟
حاسس حايجيلى نقطة و الله ؟
ماحدش قلبه على مستقبل اولادنا ابدا؟
كراسى و مواقع و اهتمامات ( شورت تيرم)؟؟ بس؟
Tuesday, August 15, 2006
و تضع الحرب اوزارها ؟؟؟
ربماساعات و دقائق و تضع الحرب التى استمرت شهرا اوزارها فى لبنان ؟
و نحن مع تصفيقنا للمقاومة اللبنانية ايا كان اسمها ..فهى دفاعا عن الارض;
و مع تاكيدنا انها ليست الوحيدة و لا الحاسمة و لا الرهيبة فى الحرب مع اسرائيل كما يتحدث و لا كما سيتحدث الاعلام اللبنانى;
و مع عدم نسيانا لجيلنا و الجيل التالى بطولات عربية و مصرية كثيرة عظيمة تمت على ايدى المصريين الابطال
فى 48 و فى طول خط القناة عام 56 و طوال سبع سنوات استنزاف و خراب من 67 الى 73 و حتى السلام منذ 30 عاما فقط؟;
فاذا كانت ايران تدعم مقاومة لبنان بدعم و تعويضات هائلة و اذا كانت امريكا تدفع يوميا مائتى مليون دولار لاسرائيل ثمن الحرب اليومية ؟
و اتمنى الا تقع وسائل الاعلام الشيعية و اللبنانية فى مشكلة انهم عملوا اللى مايتعملش فى اشارة للدول العربية و بس ؟
و ساعتها يحق لنا ان نذكرهم بدموع السنيورة ؟؟الموضوع حرب مقاومة و صمدوا و ارضهم تشكر لهم و خلاص ....
المهم ان ندرك نحن الان ثمن الحرب ؟
ليست القضية اذن من و بكام ؟ و ننضرب عشان الفلوس و نسكت ؟
و لكن القضية قضية الحكمة و الامانة فى حمل المسؤولية لهدف يرقى بالامة بعيد المدى
و ليس نابعا من العواطف كل مرة و بس ؟;
القضية تبدا من ..ان تعود مكانتنا وسط العالم خلينا نقول بالعلم اولا ؟ ان تعود جامعاتنا مرة اخرى لتعليم الشباب صح ؟
ترجع منارة العرب و افريقيا ؟
اخر تقييم لاحسن 500 جامعة فى الشرق الاوسط بهم 7 جامعات اسرائيلية و اتنين جنوب افريقيا و الخ ..
و ليس بها جامعة واحدة مصرية ؟
يا نهار اسود؟؟
قال و عاوزين نحارب ؟
قولوا كلام تانى الان اكثر واقعية قبل الزعيق و العواطف ؟
------------------------------------------------------------------------------------------------------------
Wednesday, August 09, 2006
العرب و هيكل و خطة العمل ؟
يبدو ان العرب سيظلوا طوال عمرهم فى الشعارات و الصياح بس ؟ و ان تغير العالم من حولهم ؟
و حقيقة الامر دون مبالغة ان المصريين اكثرهم كلاما و اكثرهم فعلا ...و اذا بحثنا عن كلام اللبنانيين مثلا ..تجده بلا فعل و لا جيش و لا بلد قوى و لا شىء حصل على مدار التاريخ؟
و المتتبع لحوارات العرب سنحارب اسرائيل و نزيل تل ابيب و لم يحدث شىء و مساندتهم للزعيم الراحل ناصر فى قمة 67 و التى تضمنت اللاءات الثلاثة كانت كلها شعارات ؟و نسال عن تفاصيل ذلك عمنا هيكل ؟
و حينما جاء زمن التنفيذ و التنفيس معا مع رجل يقدر عنصر المفاجاة و الاستراتيجيات لكى يحدث صدمة ياخذ من وراها احترام لكلمته ؟ وجد نفسه فى وجه المدفع ..صحيح كان هناك دعم عربى و كان مستعد يصمد و لكن ؟ لاخر نفس من جندى مصرى ؟
هذه خطة العمل العربية و غير ذلك لا يوجد خطة عمل ؟
و حينما بدا مفاوضات السلام و العالم يحترم كلمته بعد المفاجاة و الضربة دعاهم -اى العرب- الى الحضور و تحصيل النتيجة معه على الارض و لا شك كانت النتائج ستكون افضل كثيرا من الان ؟
و لكن لا احد اجاب ؟ و خافوا من العمل و عقدت قمة بغداد للمقاطعة و اصبح خائنا عميلا؟؟؟؟؟؟
تلك هى خطة عمل العرب فى السلام؟
و الان حينما اتفق الوزراء العرب فى بيروت على الذهاب لمجلس الامن ..و العضو الموجود فى هذه الدورة هى دولة السيد المنتقد-اقصد المحترم- قطر ؟
حينما سال فى الجزيرة كيف سيفاوض ليصل لتلك الصيغة المطلوبة من اللبنانيين ؟
قال احنا يا دوب ضيف لمدة سنة و ماشيين ؟ و بالامس امام المجلس قال اننا ضعاف نطلب السلام من اسرائيل ؟
و هذه خطة عمل المنتقدين ؟
اللذيذ انه كله شاطر ينتقد مصر ؟ و ماحدش عمل خطة عمل غير مصر؟
و حتى لو ادارتنا مش مضبوطة الايام دى
برضه احنا بس اللى نقدر نضبط ايقاع تلك المنطقة؟
الاحداث بينت ذلك و ان الكبير كبير؟
ياريت يفهم؟
Monday, August 07, 2006
و الله برافو عليه نصر الله ..بس يعنى ؟
تانى و تالت و رابع نكرر و نعيد اننا نتفق و نؤيد و نحب كل من يخسر اسرائيل مليما او يؤذيها بدبوس
ما بالنا بمقاومة رجولية افقدتهم حوالى 70 قتيلا حتى الان ؟ طبعا شىء جيد و برافو عليهم
و مصلحة مشتركة..بس ربنا يسترها معاهم فيما تبقى من ايام لاحسن اسرائيل بدعم امريكى تستولى على شريط حدودى و تطردهم منه و تحقق اللى امريكا عاوزاه بوضع قوات دولية فى الجنوب ..و يبقى عمنا نصر الله سياسيا خسر ؟ و ماكانش حاسب النتايج؟
المهم ...خلينا نتكلم فى المصالح المشتركة ؟
مصلحتنا قلناها ..اذية اسرائيل ...باقى مصلحة اللاعبين الرئيسيين فى المنطقة الان بعد غياب دورنا ؟؟؟؟
ايران و امريكا ...و بس للاسف؟
شىء يخوف ؟
مرة تانية و تالتة يخوف ؟
فالمقاومة الصامدة امام عدو غاشم تجلب الاحترام و التصفيق و التشجيع ..لا شك ..و لكن هنا يتداخل الاعجاب بالمقاومة مع الاعجاب بالافكار و العقائد؟؟
و هنا الخوف ؟
احنا معجبين بحماس او حزب الله عشان بيدافعوا عن ارضهم و بيخسروا عدونا و بس يا جماعة مش اكتر ؟
و لا يجب ان يكون اكتر؟
اعجاب بالموقف ..و طلب مساندة للموقف ..و ليس العقيدة التى وراءها ؟ اقصد الشيعة و ايران بالتحديد؟
حبايبنا و اصحابنا ماشى
ما نقفش ضدهم ماشى
بس يتحول حديث الاعلام ان نجاد -عشان بيزعق لمصلحة بلده-و حزب الله -عشان بيخسر اسرائيل شوية- هما عز و رمز الاسلام ؟؟ لا و الف لا ؟ و يجب ان نقف هنا ؟ و لولا ضغوط المعركة الحالية لاوضحت ليه و ليه ؟
انما اضرب مثال واحد يوضح السبب ؟ حينما استفادت باكستان من علماء مصريين و تمويل سعودى لعمل قنبلة نووية ماذا كان رد برويز باشا ؟؟ انها قنبلة باكستانية و ليست اسلامية ؟ و لن ندافع بها غير عن ارضنا ..
ياريت يكون واضح
و للحديث بقية لما يقف الضرب ؟
يارب
Wednesday, August 02, 2006
الحرب و اشياء اخرى ؟
بعيدا عن الحرب وويلاتها و القادة واهتماماتهم و مطامعهم المختلفة من المشرق للمغرب ؟
و بعيدا عن جعجعة الحرب و علو صوت المقاومة بلا فعل جيد و انخفاض صوت الصهاينة بدعم جيد ؟
و بعيدا عن تاثير ذلك على العالم العربى و الاسلامى المحبط حتى انه بات يصفق لاى ضربة توجع اسرائيل و يعتبر صاحبها بطلا فى نفس منزلة صلاح الدين ؟
و بعيدا عن مداولات امريكا و ايران الخفية و لعبة حزب الله و اسرائيل المعلنة و التى لن تنتهى حتى يتفق اللاعبان الاساسيان ؟
اعتقد ان تخاذل القيادات و عدم وضوح الرؤية جعلهم ينشرون الفرقة فى الشعوب و البغض بين القوميات و الاثنيات ؟
حتى داخل الشعب الواحد ..الناس بقت بتكره بعض؟؟
اقسم انى خلال عام مضى كل من تعاملت معهم من بنى بلدى ( مش طايقين بعض)؟
اذا تحادثوا و اختلفوا ..راحوا المحكمة ؟
و اذا اختلفوا و تقاطعوا حدثت كوارث و حروب و خناقات و بلطجة ..الخ ؟ على صفحات الجرائد ؟
و حدث و لا حرج عن حالات الضرب و القتل التى لم نشاهدها من قبل ؟ و نسبة الطلاق و الزهق و القرف التى لم نعهدها ؟
السؤال : هل الناس فجاة صحيوا من النوم لقوا نفسهم كارهين بعض؟
اكيد لا ؟ اكيد هناك اسباب ؟ اولى بالشرح و التفصيل ؟ من موضوع الشيعة و السنة الان؟
الاول نعرف ليه الناس بقوا ما بيحبوش بعض بجد؟
Subscribe to:
Posts (Atom)