الدكتوور عمارة ؟

ايه الحكاية يا جماعة ...كاتب و نقل حاجة اتفهمت غلط اعتذر ..خلصنا ...خلصت القصة؟خاصة انه مشهور بثقافته و تفتحه و اعتداله و كلامه عن الحضارات ..و ان المصرى هو تراكم مزيج هائل من حضارات فرعونية و رومانية ومسيحية و اسلامية ..مرورا بتداخل الفينيقيين و الاشوريين و العباسيين و المماليك و الفاطميين والاتراك و الانجليز ..حتى الان ؟؟ و بدون الحديث الباكى عن حال المصرى الان فان كل ما نتذكره هو ان المطبلاتية فى بلدنا و هم كثير ..ما يصدقوا كلمة او فرصة او انفراجة لفتح القيل و القال و البعض غاوى شهرة حتى لو على اجساد البسطاء و الاخرين غاويين فلوس ..ايوة ماهو لما يفتح بقه بكلمتين من اياهم بتوع تهديد الوحدة الوطنية و السلم الاجتماعى ما يسكتوش غير الفلوس الى ان يرجع يفتحه تانى ...و هكذا مواضي لا تستحق التعليق و لدينا ما هو اهم و اكثر من التعليق على سطر فى كتاب و طلب الاعتذار عنه ؟و بشكل عام و طالما ان الموضوع انفتح ..فان اخواننا الشباب الاقباط الجدد ..اكثر انفتاحا و تقبلا للمعايشة مع الاغلبية المسلمة و تحضرا فى الحوار ..حتى و ان بدا لك انهم لا يضحكون فى وجهك ..انما اخواننا الكبار فى السن ممن عايشوا مرحلة الناصرية و رغم انهم يضحكون فى وجهى ليل نهار الا انى سمعت كلامهم للجيل الجديد ..كله ولولة وصراخ و بكاء على سوء معاملة فى الزمن الماضى السحيق و توصيتهم بان ياخدوا تارهم ؟؟اقصد ياخدوا حقهم ؟؟و الحقوق فى الوطن مصانة انما التحريض بتلك اللغة عير حضارى ..خاصة مع شفاء مصر و الحمد لله بقدر كبير من موجة التطرف التى سادت الثمانينات ..فيا عواجيز الفرح ...سيبوا الشباب يعيشوا و يتعايشوا و بلاش حقن ؟؟ صدقونى احسن لهم ..و احسن لنا ....لاداعى لتذكيرنا ان الله هو السلام ..و ان ايضا ..الله محبة ...

لماذا راس السنة الهجرية ؟

سؤال يتبادر الى ذهن كل واحد ..مش بس كل مسلم ..ليه راس السنة فى التقويم بتاع المسلمين العرب اسمها راس السنة الهجرية ..بسيطة عشان بادية بهجرة الرسول عليه الصلاة و السلام و ايه اللى خلاها تبدا بهجرة الرسول ؟ و ليه مش بمولده زى المسيح عليه السلام و ليه مش بمناسبة نجاته من فرعون زى عيسى عليه السلام و ليه مش بمناسبات عظيمة تانية فى التاريخ الاسلامى زى فتح مكة ؟ و بعيدا عن التأريخ و التأصيل و النقل و الوتر التى يجيدها العلماء و لست منهم و يجيدها المحققون و المؤرخون و لست منهم ايضا ..و قريبا من المشاعر و الاحاسيس ..لماذا اختار سيدنا عمر بن الخطاب هذا الحدث لبداية تقويم اسلامى ؟ مع ملاحظة انه ماقلش دى بدعة من الفرنجة و مش حانعمل تقويم اسلامى ؟ انما تقبل الفكرة النافعة و اختار البداية و ها هى مستمرة حتى عامها 1428 الان بلا توقف ؟يمكن عشان سيدنا عمر حاسس ان علامة الهجرة علامة فارقة فى تاريخ الاسلام كدين وصل يعلم الناس اخر مراحل الحضارة الحديثة زى ماربنا عاوز و زى ما اشرنا قبل كده ان كل رسالة كانت مرحلة دراسية على قد سن البشر و استيعابهم و الاسلام هو الجامعة اللى ربنا عاوزهم يتخرجوا منها و يبقى اوتوا العلم المطلوب ..و باقى التنفيذ؟ و يمكن عشان سيدنا عمر حاسس ان الرسول الكريم كانت حياته و رسالته و حجمها و شكلها مهددة قبل الهجرة و اختلفت تماما و صارت اكثر امنا و انتشارا و استيعابا للناس من المقر الجديد ؟ يعنى ياترى تغيير المقر علامة فارقة فى التاريخ عند الفاروق ؟ و لا تغيير الحالة المبنى على تغيير المقر ؟ و لا التسهيلات اللى انبنت على تغيير الحالة ؟ و لا الحالة النفسية لصاحب المقر الجديد و هو حبيه و حبيبنا الرسول الكريم ؟ و لا تحقيق شىء من طموح صاحب الرسالة بعد ذلك التغيير ؟ و لا التفاؤل بالمقر و ما تم انجازه فيه ؟ ام انه ذلك جميعا ؟ و ياترى فى تسميتنا لعيالنا و تحديد اسماء شوارعنا و شركاتنا بنراعى ده ؟ بلاش فى حياتنا لما نقعد نراجع عملنا ايه و باقى لنا ايه من اللى خططنا له ؟ ده لو فى تخطيط اصلا ..بنقف على علامات مراحل هامة فاصلة زى ما وقف عليها الفاروق كده ؟ يعنى بنؤرخ ميلاد البنت مع الرزق اللى ربنا بعتهولى فى كذا ..و لا بماتش الاهلى و الزمالك ؟ و بنؤرخ تخرج الولد مع انتصار السادس من اكتوبر 73 او مع وفاة شهيد مثلا هناك و لا باسم رمضان ؟وبنؤرخ مراحل حياتنا ما قبل انجاز الشهادات و الطموحات و لا قبل ما اتجوز و بعد ما اتجوز ؟ و بنؤرخ مناسبات بلادنا بتجاوز الهزيمة و الاستنزاف و البطولات و لا بتولى السيد عاطف عبيد و عاطف صدقى و عاطف ماشفش حاجة ؟ يارب يكون كلامى وصل ..قبل مرحلة عاشوراء و التاريخ لما قبل اكل البط و الارز باللبن ؟ مع ان عاشوراء معنى تانى حضارى حاييجى وقته ..و اهله موجودين فى العراق اهم ؟يارب يفتحوا؟؟؟

شبعانين و الحمد لله ؟

كلمات كثيرة عديدة سهل انك تسمعها من بلدياتنا المصريين ..و هم ابعد ناس عنها بل ربما لا يدركون معناها على الاطلاق ؟مثل المهم الصحة و الستر ..و الحقيقة ان لا يوجد مصرى يكتفى بهما ابدا ..و اسال طوابير حجز الاراضى و البورصة و البزنسة ؟و مثل احنا شبعانين الحمد لله ..و مش بنخانق حد على رزقه ؟ و هى اكبر كذبة يعيشها 99% من رجال الاعمال المصريين من اول صاحب الكشك اللى بيطرد البياع السريح من امام طرف ركن جانب الرصيف اللى عليه محله الى صاحب القهوة اللى بيشترى الميدان المحيط بها حتى لا يفتح جنبه نشاط منافس ..الى اشتراطات تعاقد الشركات مع الموزعين الا يوزع بضاعة غيره ..و كلها لها مية مبرر و مبرر سببهم الحقيقى انهم مش شبعانين و لا حاجة ؟ خد عندك هذا الصديق العزيز ..و الاستاذ القديم لى فى عالم البيزنس و التسويق ..و الذى فتح الله عليه من وسع و رزقه طريق قد لا يكون سهلا و لكنه ممهد للنمو ان اصبح شريك خواجة كبير و الشركة كبرت و الحمد لله ..و هو يتغنى و ينبسط بكلام الناس عنه انه راجل محترم و شبعان ..و بعد محاولات هنا و هناك عرضتها انا عليه بصفتى خواجة دارس بره اصول ( التيم ووركينج) و اننا لازم نشتغل مع بعض حتى لو ضحيت باغلبية الاسهم للكبير بس ابتدى كبير ؟ و بعد اخد و رد و هنا و هناك ..قاللى انا كبرت يا بنى و تعبت على اخد توكيلات جديدة و شغل مجال طبى جديد ..ربنا يوفقك لوحدك و اتكل على الله ...و مع تضييع وقتى شوية رايح جاى ..شكرت الراجل على وضوحه ..و اعتقدت انه من جيل الشمولى القديم من ناحية التعاون ..انما على الاقل لازال شبعان ؟؟ و مشيت فى طريقى الذى اصبح اصعب شوية للاسترزاق من توكيلات كنت قد حكيت معه عنها و ابدى اهتماما بها ..و بمرور الايام نسيت موضوعه ..و اندمجت فى السبوبة الجديدة حتى جاءت الطامة الكبرى ...الخواجة كلمنى من بره و قاللى اسرع و امضى و ابرز -و غيرها من وسائل ضغط الخواجات للتوكيلات- المهم ايه سبب السرعة ..قاللى ناس اكبر منك بيجروا ورانا و ناويين ياخدوها منك ؟؟ ضربت اخماس فى اسداس و بمحاولاتى النميسة لمعرفة الاسم ..طلع صاحبنا الشبعان يا جماعة و الله ..و لا عزاء للصغار فى بلدنا ...و علينا ان نحارب الظروف و الكبار من اجل ان نسحب الفرصة ..لانه للاسف ماحدش شبعان ..و لا حد بيسيب سبوبة بمزاجه ..يا جماعة الغنى غنى النفس !و الباقى على الله ..لانى مش ناوى اسكت؟

بطالة و سقالة ؟

شىء عجيب و غريب ..تاخرت كثيرا حتى تاكدت منه ..ثم آثرت الكتابة عنه ...و بعيدا عن الهوى و العواطف فى بلدى مصر ..هو موضوع عملى بحت يخص سوق العمل فى مصر ..و عذرا للوضوح الزائد فى هذا المقال ..لقد سمعت كثيرا عن بطالة الخريجين فى بلدى ..و ان مفيش شغل و ان الشباب ..اللى باشوفه كل يوم على القهاوى ..عمال ( يشد تفاح) ..كتر خيره و الله مجهود عالى ..و بيدفع كل ليلة ما لايقل عن عشرين الى تلاتين جنيه مع اصحابه للقهوة ..و كلهم جيل واعى بالنت و التت ؟ و كلهم عيال مخربشة فيما يتعلق بالقنوات و المصطلحات و السياسات و البزنسة و الاسهم و الاراضى و الكلام الكبير ..ناهيك عن الثقة بالنفس المتنامية و التى اعتقدت مرارا و تكرارا انها نابعة من داخلهم و لا علاقة لها على الاطلاق بما وفره والده من جيلنا المكافح و اللى قبله المكافح جدا جدا ..و ناهيك عن الكلام الكبير بتاع شبابنا الطامح اللى يفوت على الصحرا تخضر ..قررت كأى بيزنس مان طامح ..انى اعمل اعلان ..اكتب يا واد انجليزى عشان تجيب وش القفص من الشباب دوول ..و طلبت خبرة قليلة عشان نعلمهم اللى اتعلمناه بره و نطلع مجموعة سوا...و بصرف النظر عن تكاليف الاعلان اللى عرفتنى قد ايه وكالة الاهرام للاعلان معاها فلووس ؟ و اسالوا اسعار اللعيبة عن ذلك و لا حرج؟؟وصلتنى السير الذاتية لستين سبعين واحد وواحدة- مع المشاركة الضعيفة للبنات جدا؟- منهم اللى عجوز و قديم ..قلت سلام قولا من رب رحيم عليهم ؟و اللى شباب اتصلنا و جدولنا و قابلنا السادة المهندسين من علية القوم المطلوبة ؟ و خد عندك ملاحظات المقابلات ..كلام كتير و كبير و استعجال و ثقة مفرطة فى امكانيات ماظنش انهم حايوصلوا لها ؟و الطريف كانت سيرة ذاتية من 6 صفحات لواحد خريج 2006 ؟؟طيب ازاى و النبى ؟و كان شباب الاقاليم اكثر التزاما فى المواعيد من شباب القاهرة و اكثر تحملا و قبولا للمسؤولية ..بس يشتغلوا ..بينما كان التنطيط كله من شباب القاهرة ..طبعا فاكرين القهاوى بعاليه ؟..يكفى شاب منهم اثناء المقابلة قاللى اسمع انا عندى شغلانة مهندس حفر 14 يوم فى الشهر و بادور على شغلانة تانية 14 يوم كمان و كده رضا بس يكون المرتب عالى ؟؟ و اللهم لا اعتراض ؟ دى مش بس بطالة ..دى بطالة و حاتستمر طوول مافيش ثقافة العمل ..لا ده فى سقالة طلب العمل ؟و اخشى ان اكون شرحت الوضع ببجاحة اصحاب العمل ..يا جماعة ..فوقوا ..العصر الاشتراكى انتهى من زمان ..و العالم سبقنا ..فوقوا قبل ما يفوقكم ال؟؟؟؟

اخيرا طلعوا بيسمعوا الكلام ؟

القاهرة- تعكف جماعة الإخوان المسلمين حالياً علي الإعداد لمشروع حزب سياسي في خطوة هي الأولي في تاريخ الجماعة حسبما ذكرت المصري اليوم وكشفت مصادر مطلعة أن قيادات من الجماعة تشارك في إعداد المشروع والذي سيتم الإعلان عنه خلال الاسابيع القليلة المقبلة وقال مهدي عاكف المرشد العام لجماعة الإخوان المسلمين في تصريحات خاصة لـ«المصري اليوم»، إن مشروع الحزب السياسي سيطرح علي الرأي العام، مضيفاً أن اللجان القانونية للجماعة تعكف الآن علي إعداد برنامج الحزب بعد تكليف المكتب السياسي للجماعة رسمياً بالمضي في هذه الخطوة، وقال المرشد: إنه من المنتظر أن تنتهي اللجان من إعداد مشروع الحزب في غضون أسابيع قليلةوأضاف عاكف «أتمني أن تنتهي اللجان القانونية من إعداد مشروع الحزب في غضون أيام، ولكنني لا أريد أن أضغط علي المكتب السياسي للانتهاء منه»، وأشار إلي أنه من المرجح أن يتم الانتهاء منه بعد شهر تقريباً.
ورداً علي سؤال حول مدي صحة مشاركة شخصيات سياسية من خارج الجماعة في إعداد برنامج الحزب، نفي مهدي عاكف ذلك، وأضاف «كل الذين يقومون بإعداد مشروع البرنامج السياسي للحزب من الإخوان ولا يوجد أي شخص من خارج الجماعة».
وكشفت مصادر قيادية داخل الجماعة أن الإخوان لن يتقدموا بالحزب للجنة شؤون الأحزاب، وقالوا: إن موقف الجماعة من هذه اللجنة ثابت، ويعتبرونها «غير دستورية»، وأضافوا أن الإخوان المسلمين لن يتقدموا بحزبهم للدولة مادامت هذه اللجنة قائمة.
وقالت المصادر إن الحزب الذي تقوم بإعداده الجماعة سيكون محافظاً يدعو لنشر القيم والأخلاق داخل المجتمع المصري، وأن هناك عدة خيارات للفصل بشكل عملي بين العمل الدعوي والعمل السياسي دون ترك العمل الدعوي لأنه أحد أهم أعمال الجماعة.
وأضافت المصادر أن الحزب سيكون مدنياً ذا مرجعية إسلامية، ويضم أصحاب الفكر المحافظ من مختلف التوجهات، ولن يكون مقصوراً علي الإخوان فقط بل إنه سيضم في عضويته مختلف التيارات وأكدت المصادر أن حزب الجماعة يعطي الحق للأقباط في الانضمام إلي الحزب لأنه لن يكون قائماً علي أساس الدين أو العرق أو الأصل وحول فصل النشاط الدعوي عن الحزب السياسي قالت المصادر إن الجماعة تدرس حالياً نموذجين هما: حزب جبهة العمل الإسلامي في الأردن، وحركة الإصلاح في اليمن، حيث نجح «الإخوان المسلمين» في هاتين التجربتين في الاهتمام بالنشاط الدعوي بشكل منفصل عن الانخراط بقوة في العمل السياسي، ولفتت المصادر إلي استبعاد حدوث تعارض بين الدعوة والسياسة..يارب يكون ده استفادة من تعليق المخلصين للوطن امثالى و يكون استجابة لطلباتى الدايمة للاخوان و الاقباط ...بعدم وضع العباءة الدينية على كل امر فى البلد ..من اول قصة حب الى خناقة اتنين فى الشارع ..ده موضوع مدنى بحت بيحصل كل يوم مالوش لازمة يبقى خناقة و يتم تصويره من ده او ذلك على انه فتنة طائفية و تعدى ؟؟و ربنا يسترها معانا

كل سنة و احنا طيبين ؟

كل سنة و احنا طيبين ..و كرامتنا ما عادش ليها وجود على وجه الارض ؟...

كل سنة و احنا طيبين و عيدنا ماعادش عيد منذ سنوات ؟....

كل سنة و احنا طيبين و احلامنا و آمالنا بتنداس كل يوم باوامر العم سام ..و تنفيذ الخونة من ابناء جلدتنا ؟..

كل سنة و احنا طيبين و واثقين ان ده مش الفصل الاخير فى امتهان كرامتنا على ايد عملاء ؟..

و ان زى ما مات السادات ..صاحب رؤية المستقبل لبلاده -حتى لو اختلفنا او اتفقنا معه فى بعض القرارات- مات بايد ابناؤه و بنى و طنه ؟اللى اقتنعوا وقتها تماما انه قتله خدمة للاسلام و الوطن و الناس ؟

اليوم يموت مخفورا ممسوكا محروسا مشموتا فيه من بعض الرعاع الذين لا يدرون عن الدين شيئا و لا يعلمون ان للموت حرمة فى الاسلام و انه لا شماتة فى الموت ؟ و انما ساقوه انتقاما شخصيا -و حتى لو اتفقنا او اختلفنا مع بعض تصرفات صدام - فهو فى النهاية ..رمز لدولة عربية كبرى ..لا ينبغى معاملته بهذا الشكل الهمجى الحيوانى ؟و غدا سيعلم الشيعة و اتباع امريكا و قاتليه اى منقلب ينقلبون ؟

و لكن ..و بعيدا عن افساد فرحة العيد الكبير التى سبق و هنانا بها السيد بوش بنفسه ؟ لا أدرى لماذا تذكرت و انا اشاهد اجزاء من تلك المذبحة البشرية -عفوا لانى لم اتحمل تكملتها - لا أدرى لماذا تذكرت ..و هو مجرد احساسى و الله ..مقتل سيدنا عثمان ..و مع اختلاف الشخصين و الحالين الا ان الفتنة بدات فى العراق ..و تحكى كتب التاريخ انها بدات بفلول اليهود الفارين من اليمن ..و بدات بعدها قصة الشيعة ..و فرقهم و مناهجهم عن المسلمين ..و بدا انكسار وحدة المسلمين الحقيقية التى سمعنا صوتها مع عمر بن الخطاب ..اذكر ف كتب السيرة ان قاتلا نذلا ممن قاموا بحصار عثمان و قتله ..سأله اصدقاؤه الانذال ..كيف قتلته ؟ قال طعنته اربع طعنات ..قالوا لما ؟-يا سبع البرمبة - قال : واحدة لما فعل من معاصى ..؟؟؟؟؟و ثلاث لما فى نفسى ؟؟ ..هذا هو وجه الشبه الذى اقصده حينما يترك الحكم و القصاص فى يد العامة تخلص حقها ممن تحب ..و ناهيك عن مذابح العراق اليومية ..فان عثمان لا يستحق الاولى التى قد يستحقها صدام --و امثاله كثير-- اما عثمان و صدام فمشتركون فى الثلاث التى فى نفس الشيعة و من خطى خطوهم ضد السنة ؟؟ و يا عالم ايه اللى جاى ؟يارب يصلى المسلمين ..و المسيحيين ...من اجل الا يستعمل اليهود طرفا اخر ضدنا بعدها ؟؟عشان نبقى طيبين ؟