Monday, January 05, 2009

موضوع غزة ؟



كثر حديث الفضائيات الصاخبة هذه اليام عن موضوع غزة و الذى لم ياتى فجاة و ليست المرة الولى لعدوان اسرائيلى على مدنيين تحت احتلالها و لن تكون الخيرة ؟ و الملاحظ فى الموضوع بعد التعاطف التام مع المدنين اشقاؤنا فى غزة الذين يضربون بدون ذنب جنوه النقاط التالية :

1- حركة حماس انتقلت من موقع المقاومة و المعارضة -الذى يتيح لها اعلان كافة مبادئها الرافضة للتطبيع و حتى اتفاقيات السلام - الى موقف الحكم و السلطة و الذى سعت له طويلا ؟؟دون ان تدرى ان للسلطة حسابات و مسؤوليات لسه بدرى عليها ان تعيها ؟

2- الأخوان فى مصر لا زالوا فى موقف المعارضة و لذلك يحق لهم الاعتراض ..بس لنا الحق نخاف من وصولهم السلطة تماما خوفا من سوء حسابات اخوانهم فى غزة ؟االلى بيقول : لن نستسلم حتى لو دمروا غزة بكاملها ؟؟؟و كنا بنعيب على صدام ؟؟الله يرحمه و يرحم شهداؤنا ؟

3- الحكومة المصرية لها الحق فى تحديد مواقفها و خططها و احترام اتفاقياتها و كمان حلفاؤها زى امريكا مثلا دون النظر لغضب فصيل معين او غيره ؟؟و للتاريخ نذكر ان مصر لم ترفض حماس اطلاقا فى البداية و الا لما زارهم رئيس المخابرات اكثر من مرة لتفهيمهم آليات السياسة بالمنطقة و ان يسعوا للتهدئة حتى يكتسبوا شرعية و يطمئنوا الناس ع المدى البعيد ؟ و لكنهم مستعجلين ؟ و عاوزين سياسة المر الواقع للأعتراف بهم ؟؟أمر واقع مع مين ؟مع اللى وقف جنبك؟؟انا لا الوم مصر ابدا خاصة انى افهم موضوع المعبر كما قاله رئيس مصر و لكن الفضائيات و محبى الشهرة و خالف تعرف كثيرون ؟

4- ما زاد الطينة بلة هو صاحبنا نصر الله ..و جرأته الشديدة بتحيز شيعى واضح ..للحديث عن قلب نظام الحكم فى مصر ؟؟تخريف ..افقده احترامه لدى المثقفين المصريين ؟هو ده اللى قدرت عليه ؟و لا انت كمان عندك اتفاق معاهم بعد معركتك البسيطة معاهم و ما تقدرش تخرقه ؟

5- الاخوان فى مصر حوالى 10% من الشعب بكل طوائفه مثل اخواننا المسيحيين تماما ..فى العدد ..حتى انى اظن ان الحكومة توازن بينهما ؟؟و يتأثر بالأخوان حوالى 10% كمان من الناس ..ادى كل القصة ...من معارضى موقف الحكومة ...و المثقفين امثالنا و باقى الشعب يرى ان الحكومة فى الموقف ده بنسبة 95% سليمة و موقفها سليم ...ما سمعتش رئيس مصر و هو يقول احنا دفعنا كتير للقضية لما ما كناش محتاجين حد؟؟؟افهم بقى؟

6- ما ينقص مصر فقط ..وزير خارجية متحدث لبق ..يفحم الناس و يرد عليهم بالحجج دى حتى لا تضيع حجتنا و يزايد علينا العرب و حتى اللى عاوز ياكل عيش من المصريين بالخارج على قفانا ؟؟وزير بشطارة عمرو موسى و تحليل الفقى و قبول الباز و حب ابو غزالة ؟حاجة كده يفكر فيها السيد جمال و حايلاقيها ..يعرف يرد بكل السبل ..احنا ماسكين نفسنا ازاى ؟؟و غيرنا بيفكر بس فى سعر البترول ؟و الآخر نفسه حد يعبره ؟

و لا كلام آخر ..الا ربنا يعين الغلابة اللى بيروحوا ضحية السياسة و الحروب و يخسروا اسرائيل على قد ما يقدروا ؟و يقللوا ضحاياهم ..آمين