أخيرا انتبهوا ؟

شىء كويس ان المعارضة تنتبه للمشاكل الاجتماعية فى البلد أهم من الاهتمام السياسى ..و للمفارقات الاستجواب الاخوانى ده .. قدم د.أكرم الشاعر عضو الكتلة البرلمانية للإخوان المسلمين بطلب إحاطةٍ عاجل إلى رئيس الوزراء وكل من وزراء التعليم العالي والتربية والتعليم والداخلية؛ حول ارتفاع حجم الإنفاق على المخدرات في مصر إلى 27 مليار جنيه سنويًا ..واتهم النائب وزارةَ الداخلية بتكريس جهودها على الأمن السياسي لحماية النظام على حساب الأمن الاجتماعي، وهو الأمر الذي أدى إلى أن نسبةً كبيرة من طلاب الثانوي العام قد جربوا تعاطي الحشيش والبانجو، إضافةً إلى أن نسبة انتشار المخدرات بين الشباب بشكل عام تصل إلى 16% وأن عدد المدمنين وصل إلى 30 ألف مدمن، وأن عدد قضايا المخدرات 500 قضية سنويًا وأكد النائب أن هذه الأرقام والِّنسب المفزعة والرهيبة، والتي تهدد الشباب المصري، وتؤدي إلى تدمير وتحطيم الاقتصاد المصري، متسائلاً عن دور أجهزة الدولة من أجل وقف انتشار هذا الوباء؟وكان تقرير رسمي صدر عن معهد التخطيط القومي في عام 2003 أشار إلى أن تجارة المخدرات تستنزف سنويًا 16.3 مليار جنيه من موارد الاقتصاد القومي، حتى وصلت مؤخرًا إلى 27 مليار جنيه، حسبما ذكر الموقع الرسمي للكتلة البرلمانية لنواب الإخوان المسلمين وأشار التقرير إلى أن هذا الرقم لم يتجاوز 200 مليون جنيه في فترة السبعينيات وبلغ عام 1980 نحو 254 مليون جنيه واعتبرت دراسات أن مصر أصبحت ضمن البلاد الرئيسية في مجال تداول المخدرات، كما أنها تحولت إلى دولة منتجة للمخدرات، بل ومصدرة لها أيضًا؛ حيث تنتج الحشيش والأفيون ..و الله برافو علينا ..اتقدمنا كتير ..و راجع تانى مع قراءة للتعداد السكانى الاخير ..اللى فضح حاجات كتيير ؟مش بس فى المزاج لا ؟فى الزواج و الطلاق و الشباب و البطالة و التعليم و الريف و المدينة ...بقينا كتيير قوى ؟و مزاجنا عال

الدنيا ربيع ...؟

الله يرحمها سعاد حسنى ...كل ما اشوف الجو يحلو ..افتكر غنوة الدنيا ربيع بتاعتها ..و رغم انها مش مغنية و انما مؤدية الا ان الاحساس نعمة ..صحيح ..ساعات يبقى نفسى احط غنوتها بتاعة ( حبيبى انت يا فيلسوف ...على الموقع هنا و اتراجع ؟ياريت حد يدلنى احطها ازاى و النبى؟)

..المهم بما ان الدنيا ربيع ..و الاحساس شغال و ده جو الحب بين الناس و العواطف ..افتكرت حاجات منها مثلا:

ا-ان المصريين ظرفاء جدا و ناس لذاذ قوى خالص ..كل اسبوع يومين تلاتة اجازة ..اصلها يعنى كانت ناقصة ..اللى يشوف كده يقول بياكلوا النجيلة ايام الشغل -تعبير كروى معناه بيتعبوا- و هو غير صحيح ؟يبقى اجازة ليه؟طيب يمكن تنفع فى توثيق العلاقات العاطفية و الحب و سنينه ..انما لسه كاتب امبارح انا عن حال العلاقات المتقطعة اللى وصلنا له ؟غريب حال اهلى و ناسى؟
و-كمان افتكرت النهاردة بس ان لسه فى عراق و خناقات فى امريكا حول الانسحاب ..و قال ايه ..مصر هى اللى حاتستضيف مؤتمر الاعمار؟انا مالى ؟ بس زمان قالوا..اردب ماهولك ..ما تحضر كيله ؟حد فاهم حاجة؟
و- كمان افتكرت ان ليا اصدقاء اهلاوية كتير ..منهم ناس محترمة و كويسة ..بس اللى بيعمله شوبير و الاتحاد الاهلاوى لمعظم اللعبات من التاثير على مسار الاعلام ..فاكرين انهم بيخدموا الاهلى ؟اكبر غلط ..لانه الاهلى كبير زى الزمالك ..من زمان ..اللى بيعمله الصغار دوول هدفه خدمة نفسهم بس ..و لا حب و لا تشجيع لاى نادى ..و اتمنى الناس تفهم كده و تقاطعهم قبل ما يكرهوا المثقفين فى جمهور الاهلى ؟و بعدها فى الاهلى نفسه؟لان كل شىء اذا زاد عن حده انقلب لضده؟
و-عرفت ان الشجر الاخضر بقى ورور ..و الطير بقى لعبى و متهور ...و انبسطت ان لسه فى حياة فى مصر..بلد بتنبض ..حية ..مش زى بلاد كتيرة ميتة ..و ده اللى يبشر فى الخير للى جاى ؟ لانى لو قيست على النهاردة ..حانلاقى العصفور محبوس؟
و-راجل اعمال -صغير- معرفتى..لقى نفسه طول النهار شغل فى شغل فى شغل ..قرر يعمل حاجات انسانية ..راح يحب ..البنية الحلوة مغلباه ؟ راح يساعد جمعيات خيرية لقى جهات عليا بتقوله ..خليك فى حالك ؟ احسن لك؟طيب و النبى يروح فين ؟ دلونى على اقرب كازينو؟
و- اصحاب الاموال الكبيرة فى مصر الان ( جيل الخمسينيات ) الذى اضطهده انا ..يبحثون عن ماوى جديد لاموالهم ..بعد ما خربوا البورصة بالمكسب السريع ..و رفعوا اسعار الاراضى كلها العقارية و الزراعية و حتى العشش ..و الرمل فى الساحل الشمالى .. و لانهم طبعا غير مهتمين بالطريق الصعب ..بتاع عين ناس و شغلهم و كبرهم و اتعب وراهم و حل مشاكل ابناء بلدك و ساعدها و ساعتها حاتكسب منهم ..فهم الان يمارسون ضغوطا قوية على الحكومة ..لترفع سعر الفايدة البنكية ..عشان فلوسهم خافت بره خلاص و لا زم ترجع حضن البنك و هم غير عابئين بما ينشا عن ارتفاع سعر الفايدة من التضخم و بالتالى زيادة الاسعار ..لان ده موضوع يخص الغلابة ..فى حين سيجنوا هم المعاشات و هما قاعدين ..عن قريب ؟
و-أخيرا و ليس آخرا ..ايه موضوع هروب المصارعين و خناقاتهم مع رؤساء الاتحادات -غريبة انهم من الخمسينات برضه ؟

هل الموضوع بجاحة ناس اتصرف عليها و بتوع مصلحتهم ؟و لا سوء استيعاب من الادارة و تكسير مجاديفهم ..العادة الفرعونية اللى وارثينها فى بلدنا ..الا من تعلم منا بالخارج؟يارب نتطور ؟و للحديث الربيعى بقية ..و كل سنة و احنا بحضاراتنا كلها مجتمعة بخير

ايه اللى بيحصل ده؟

قرأت مقال عمنا عزت السعدنى اليوم عن مصيبة الطلاق السريع التى حطت على دماغنا و على دماغ اهالينا فى مصر منذ عدة سنين و ماحدش من قنواتنا الفضائية و مديرينها الستات ..بيفتح الموضوع و لا يتكلم عن المشكلة ..و دهشت من الاحصائيات رغم ان كل بيت مصرى فيه حالة طلاق او شبه طلاق ..و ان ماكانش عندى يبقى عند خالتى او عمتى او بنت عمتى او بنت عمى ..و اتحدى اللى يقول غير كده ؟الاحصائية فيها انه لدينا الآن حالة طلاق كل‏6‏ دقائق‏..‏ و لدينا أيضا‏:18%‏ طلاق بعد‏6‏ أشهر علي الاكثر من الزواج‏.‏‏27%‏ طلاق قبل السنة الاولي‏6%‏ طلاق قبل الدخول بالعروس‏!‏والذي رفع الضغط الي أرقام بيانية فلكية تودي في داهية ان يتم الطلاق السريع‏..‏ والزوجة تنتظر أول مولودها الذي لم ير النور بعد‏..‏ واذا جاء ورأي نور الدنيا أول مرة‏..‏ فسيجد نفسه دون أن يعرف وقبل أن يفهم‏..‏ بين أب وأم في حالة طلاق‏؟و يحكى الرجل المتمكن عن قصص سيدات رموهم ازواجهم فى الشارع بلا مأوى و لا سكن و أحيانا بلا اولاد ..و يحكى الاستاذ عن اسباب متفرقة للطلاق مثل عصبية الزوجة --اللى انتشرت قوى مع البنات الايام دى؟اظاهر ده لزوم الامركة فى المنطقة؟-و مثل عدم احترامها للزوج ؟ و مثل ان بعض الازواج غير محترم من الاساس ؟-و حكى عن تشتت الاطفال بين الطرفين و ضياعهم ..و كله سليم ما عدا انه لم يحكى على مصير الرجال المحترمين الذين يتركون المأوى و المسكن و كله تقريبا بلا مقابل من استمتاعهم باولادهم ..فلذات اكبادهم ..لتعنت بعض الامهات او جهلهم ..او خوفهم ..بس الاب ساعات يبقى ضحية ..المهم ان الموضوع كبير ..و ان قصة الامركة زودت الموضوع ..و القت البنزين على النار ..و كنا بنتريق على سعاد حسنى فى غنوة البنت زى الولد-لان الحقيقة غير كده - و ان البنت ليها دوور و الولد ليه دوور تانى ..عمرهم الاتنين ما يعرفوا يادوا نفس الدور؟و لا يتبادلوها ..و لما لم نتوقف اما -البنت زى الولد - اصبحت البنت تعلى صوتها على الولد و تشخط فى الولد و تقول مفيش راجل يملا عينى ؟ و تحلم بالاستقلالية و السفر و عدم الجواز ..و اذا كانت مشكلة الفترة الماضية هى كثرة الطلاق ..المشكلة القادمة هى قلة الجواز من اساسه ..عشان الناس تريح دماغها ..و السؤال فين دورنا و دور الاهل و الناس الفاهمة و التوعية و الدين و الحكومة طبعا فى لم شمل الاسرة تانى ..اقصد فى تصحيح المفاهيم من اجل لم الشمل ؟بجد موضوع يوجع ؟‏‏

ايران --كما توقعنا-؟

نقلت وكالات الانباء ان الرئيس الايراني محمود أحمدي نجاد يوم الاربعاء انه سيطلق سراح البحارة ومشاة البحرية البريطانيين الخمسة عشر "هدية" لبريطانيا في إعلان مُفاجيء أنهى أزمة عصفت بأسواق المال العالمية وأبلغ أحمدي نجاد مؤتمرا صحفيا بثته محطات التلفزيون في أنحاء العالم أنه مُستعد للعفو عن البحارة الذين احتجزوا في ممر شط العرب المائي في 23 من مارس اذار الماضي حتى على الرغم من أن بريطانيا "لم تتحل بالشجاعة الكافية" للاعتراف بأنها ارتكبت خطأ وأنهم ضلوا الطريق الى داخل المياه الايرانية وأبلغ الصحفيين أنه "طوال (الازمة) اتبعنا نهجا محسوبا وحازما لكنه هاديء.. لا نتفاوض ولكن لا نتصادم أيضا "أقول ببساطة للشعب الايراني.. نحن لا نضمر لكم سوء نية ... الخلافات التي بيننا وبين حكومتكم نأمل في حلها سلميا عبر الحوار وهبط إعلان أحمدي نجاد الذي جاء بطريقة استعراضية لم تخل من الإثارة بأسعار النفط بعد أن كانت شهدت ارتفاعات في الفترة الأخيرة. وارتفعت أسعار الأسهم الأمريكية وسعر الدولار بما يعكس مشاعر الارتياح لانتهاء الأزمة سلميا و تمحور النزاع حول موقع البريطانيين عندما تم احتجازهم. وقالت لندن انهم كانوا في المياه العراقية في مهمة روتينية بتفويض من الامم المتحدة. وتقول طهران انهم ضلوا طريقهم الى داخل مياهها الاقليمية .مش ده اللى اللى قلناه يا جماعة ..افراج بلا اعتذار ..و ايران ادركت حقيقتها الواقعية ..و انتهى الموضوع دعائيا ..بلا تاثير سياسي ؟ اهى حركات و السلام؟

ضحايا الطريق السهل ؟؟

صعقت و انا اقرأ اليوم خبرا فى الاهرام مفاده ان شركة صينية ..و ليست كل الشركات الصينية محترمة ..و ليسوا جميعا مبتكرين ..بل استطيع القول ان اغلب الذين بدأوا منهم فى مصر نصابين؟الا من رحم ربى من اصحاب الجودة العالية و دول سعرهم زى الاوروبى بالضبط..و الغريب محتويات الخبر و المقال ..فاعلانات الجهاز تزعم انها تعالج ‏45‏ مرضا من أعتي الأمراض‏-وهو ما لايمكن ان تصدقه عقول العاقلين ناهيك عن المتعلمين و اغلبهم من ضحايا -اقصد موظفى - اقصد موزعى الشركة بالعمولة؟؟- و الخبر يقول ان الشركة الصينية تمكنت من حصد نحو خمسين مليون جنيه من المصريين‏,‏ خلال فترة عملها القصيرة في مصر‏,‏ التي لم تتجاوز‏15‏ شهرا‏!‏و فى حين ذهب مندوب الاهرام بنفسه لمعايشة القصة ..و هو تحقيق جيد ..نتمنى الكثير من امثاله لان ذلك ما يرفع توزيع الجرايد مش مقالات عم ( سرايا ) اللى مش عارف اولها من اخرها ؟ المهم انه ‏ وجلس مع مئات المواطنين في محاضرة( الفرصة ) -خللى بالك ان الصينيين درسوا السوق بتاعنا كويس و بيسالوا كل حارة و شارع و بيت -شغل مخابرات يعنى- و بيعاملونا بالطريقة اللى تنفع معانا ..اكسب حياتك و اكسب البيزنس و اتعلم العمولات و اربح فرص ذهبية ..الخ من تعريفات الجيل السهل اللى عاوز كل حاجة سهلة حاليا ؟؟؟و تلك الشعارات تمثل البداية أو الطعم الذي يتم به اصطياد الضحية الذي تضطره الشركة إلي شراء جهازها للعلاج بالذبذبات الكهربائية‏,‏ وسداد مبلغ ألف جنيه ثمنا له‏,‏ علي أن يتحول في مرحلة تالية إلي موزع للجهاز بين غيره من الضحايا‏,‏ مقابل نسبة من الأرباح المتحققة للشركة‏- خللى بالك من موضوع الاغراء هنا - مقابل اللى طلع دينى اقنع مهندسين و متعلمين شباب اشتغلوا و اتعبوا براتب عالى و عمولة مضمونة فى مجال محترم و اجهزة بجد ؟؟بلا طائل ؟؟و الغريب ما اكده أحد المدربين في محاضرته لضحايا جدد أن في مصر حتي الآن‏48‏ ألفا وخمسمائة جهاز بما قيمته‏50‏ مليون جنيه تقريبا‏.‏الشركة تردد عليها حتي الآن نحو مائتي ألف مواطن‏,‏ وتعتزم افتتاح مقر جديد لها بالإسكندرية خلال أيام‏,‏ وكذلك توسيع نشاطها بالمحافظات المختلفة‏,‏ اعتمادا علي شهادتين إحداهما صينية‏,‏ والأخري بريطانية‏,‏ دون أن تحصل علي أي شهادة من أي جهة مصرية تقر بصلاحية الجهاز لعلاج هذا الكم الهائل من الأمراض التي تشمل ضغط الدم‏,‏ والسكر‏,‏ والشلل‏,‏ وتصلب الشرايين‏,‏ وآلام الظهر وحتي انفصام الشخصية‏.‏ولزيادة أرباحها لجأت الشركة إلي خداع المواطنين تحت مسمي التسويق المباشر‏,‏ الذي يعتمد علي مبدأ مضاعفة عدد مشتري الجهاز‏,‏ مقابل حوافز وأرباح يتم توزيعها بشكل نصف شهري علي هؤلاء‏(‏ المستهلكين ـ الموزعين- المخدوعين - الموهومين ‏)ناهيك عن ان المكسب حرام و لا حلال ؟ ما هى ثقافة العنب ..اساسياتها اللى تغلبه العبه ..و احيينى النهاردة و موتنى بكرة ..و ابجنى ؟؟الغريب ان بعضهم ترك دراسته الجامعية‏,‏ واستقال بعضهم الآخر من وظيفته‏,‏ كما وجد فيه آخرون من مختلف الأعمار‏,‏ ومن الجنسين‏,‏ فرصة ذهبية لتحقيق أحلام الثراء السريع‏,‏ في فترة وجيزة‏!‏ولأن الأمر يثير الريبة لجأ بعضهم إلي استفتاء لجنة الفتوي بالأزهر‏,( يا سلام على عباءة الدين اللى دايما حاضرة)‏ فرفضت إجازة تسويق الجهاز‏,‏ مشترطة قيام الجهات الرسمية في الدولة‏,‏ وتحديدا وزارة الصحة‏,‏ بتقرير صلاحية الجهاز‏,‏ وهو ما لم تفعله الوزارة حتي الآن..بس الوزارة شاطرة تطلب كل يوم اوراق جديدة من اللى ماشى مضبوط...و لا عزاء لهؤلاء الضحايا لانهم عملوه فى نفسهم و لسه حايعملوه فى اماكن تانية لو قفلوا الشركة دى ليهم ..انما العزاء لبلدنا و مستهلكيها اللى كل من هب و دب بيجرب فيهم تحت اسم المكسب السريع ؟؟يا جماعة و الله العظيم مافى مكسب حلال سريع فى الدنيا ؟؟و اسالوا جدى و جدكم ..الصبر مع السعى و الرزق مع الصبر؟اللى شايفنى غلطان يبلغنى لاحسن قربت اطق ؟‏.

يوم ميلاد العظيم

عظيم ..من يترك وراءه اثر طيب يرفع من ذكره و يعلى من شان من اتبعه كقول الشاعر

كن عفيف اللسان عفيف السماع عفيف البصر ...كن رجلا اذا مر يقولون مر و ذاك الاثر

و عظيم من يستطيع التغيير الى درجة التحول من اقصى اليمين الى اقصى اليسار ..الى درجة الاصطباغ بصبغة جديدة راقية ترفع من الانحطاط الى التمدن ..بل التحدث يل التنوير بل الحضارة ..مثل ان تكون عاريا فيغطيك و لا تعرف قيمة الادب فيؤدبك و لا تحاول رفعة شان نفسك فتتعلم الطموح و تطلبه من المهد الى اللحد و تطلبه و لو فى الصين ؟

و عظيم من كانت افعاله كلها مجاهدة النفس و الغير و لم يركن الى السكون و كلمات العرب القديمة الحديثة ..هو انت اللى حاتصلح

الكون ؟

و عظيم من وصلت قوته الناعمة -على راى عمنا هيكل - بدون سلاح اولا -الى ممالك اقصى الشرق و اقصى الغرب و بدأ يؤثر فى نفوذهم الطاغى و جبروتهم المتهالك بعد ان ازال بالفعل جبروت اهل منطقته؟

و عظيم من التفت حوله القلوب لصدقه و امانته و حسن افعاله و حسن اخلاقه و عطفه على الصغير و نصرته للحق و ادبه الجم و قيادته البارعة و تخطيطه الرزين ...و جدعنته ؟

و عظيم من وضع اسس ان الراجل راجل و الست ست ..و ان الرجولة مسؤولية قبل ان تكون صراخا ..و ان الانوثة دور و حنان و مشاركة قبل ان تكون مغالبة و ندية؟

و عظيم من نرى اثر كلماته و نستشهد بها كلما راينا حادثا رغم تغير السنسن و القرون ..و لما نشوف الوهن نقول صدق و الله؟

و عظيم من نرى أثر كلامه المعجز يحدث ..و أثر الرسالة التى حملها ينفذ الى كل البقاع و أثر اصحابه يفتح القلوب حتى اقصى الغرب و الشرق ..و يتحول اصحابه و احبابه و محبيه الى مليار و نصف؟

و عظيم من اصطفاه الله جل و علا ..ليكون خاتم الانبياء و المرسلين ...و متمم الرسالة الالهية للكون ..اى الجامعة بعدما نزل انبياء كثيرون بالمراحل التعليمية المختلفة من الحضانة الى الثانوية..و لكنه المتمم ؟

و مهما كان شأن العظماء فى ميلادهم و فى ذكراهم و فى احتفالات محبيهم فان اعظمهم -محمد عليه الصلاة و السلام - لا يحتاج الى كثير من الثرثرة و الكتابات ..فقط يحتاج من يدرك اننا فعلا نحبه .

ليه يا ايران ؟

اخواننا زعماء الشيعة فى العالم و المدافعين عن زعامتهم فى منطقة الخليج من خلال ترؤسهم لنسبة 10-15% من اجمالى المسلمين ..اقصد ايران طبعا-لا زالوا يحاولون ايجاد مكانا لزعامة وليدة فى المنطقة كانت محجمة و سمح الصديق الامريكى العزيز لها بالظهور و الخروج من القمقم ..من خلال التنسيق معها فى دخول افغانستان و كذلك الترتيب معها فى احتلال العراق ..على اساس ان الهدف الاستراتيجى لامريكا هو ضرب متشددى السنة الذين -قرفوا-امريكا من قبل؟و رغم كل ما قيل او يقال عن علاقة عداوة بين امريكا و ايران ..فان الواقع يثبت عكس ذلك من التنسيق و التعاون فى دخول البلدين..و لان الاتفاقات الدبلوماسية توضح ما يمكن التعاون فيه و لا توضح ابدا ما لايمكن عمله او حدوده ..لانها متروكة لذكاء الطرف الاخر...يعنى ؟؟ايران لا تستطيع ان تمنع امريكا من استغلال احتلالها للعراق فى مغازلة دول الاتحاد السوفيتى السابق و عمل قواعد هناك..و كذلك امريكا لا تستطيع ان تمنع ايران من اللعب فى لبنان و استغلال ورقة الشيعة فى المنطقة ..و ان كانت متأذية من ذلك لانه يحرجها امام اصدقاؤها السنة الكبار..المهم ان ايران لعبت فى لبنان و سكتت امريكا ..ايران ارتكبت مجازر للسنة فى العراق و لازالت امريكا مش عارفة توقفها ؟؟و الان ايران صدقت نفسها و كبرت اللعبة ..و أسرت بعض العساكر البريطانيين- ايا كان مكانهم فين وقت الاسر- و بدلا من ان تفاوض بهم فى السر مع البريطانيين و تكسب دبلوماسيا على ارض العراق الغلبان ..افتكرت نفسها من اللعيبة الكبار ..و انها بقت زى الصين لما طلبت اعتذار امريكا عن طيارة التجسس؟؟و طبعا لا ايران هى الصين فى قوتها الحقيقية -مش الحركات الايرانى- و لا بريطانيا هى امريكا فى مرونتها -مش العند الانجليزى؟ المشهور-فان انجلترا لن تعتذر و الموضوع يلزمه عقل ايرانى ..و ياريت ايران تفوق و ما يغشهاش هتاف الميادين بتوع الاتحاد الاشتراكى؟؟ ياللا خللى حد يقدر -غيرنا اكيد- يفوق ايران على حقيقتها..