كل سنة و انت طيب ..كلمة مش بس لرمضان فى مصر..لا ..لكل العام ؟
اذا مصلحتك فى هيئة حكومية مانقضتش ..يرد الموظف ببلاهة ..و يسبقه المواطن الذى يليك بسذاجة ..كل سنة و انت طيب يا بيه؟
اذا تركت سيارتك فى اى شارع و رجعت تاخدها او استنيت فى اشارة دقيقتين ..يمر عليك سقيل او سقيلة باى شخشيخة فى ايده ..كل سنة و انت طيب يا بيه؟
لو غلطت غلطة عمرك مرة و خرجت مع واحدة فى مكان عام-مش غالى من بتوع السيكيورتى--تطلع قريبتك خطيبتك..شغال عندهم؟ تنشق الارض من تحتك بواحد طالع معاه حاجة ساقعة او ترمس او حمص شام و يقولك كل سنة و انت طيب يا بيه؟ و ربنا يخليلك المحروسة؟
الحقيقة ان المحروسة تعبت ..من اكتر من خمسين سنة و انت طيب ؟ و حالها مش طيب؟؟
كل الجماعات السياسية و الثقافية فى مصر متشابهة ؟كله عاوز يتكلم ؟ المهم يلاقى ميكروفون بس و هو ياكله ؟و مايسيبهوش؟
الناصريين ..شوية مؤيدين و شوية زاعقين لان الاعلام بدا ينسحب منهم بحكم السن؟
و الشيوعيين انتهوا ..و طلع لنا الفوضويين ..من عينة مظاهرة لكل مواطن ..كفاية بقى؟؟
و الاخوان ..اخلاق طيبة و نظافة يد صحيح ..بس باقى الاجندة السياسية و الاعلامية و الشبابية ..ماتفرقش كتيرعن الاحزاب التانية؟
و الحكومة ما بتسمعش غير نفسها و مخبرينها ..بتوع الناس مرتاحة و العيشة فل ؟
كله بيرغى و ماحدش مشغول بالمحروسة ؟؟ و النتيجة ان وطنى لو شغلت بالرغى عنه بدون خطة عمل ...قول عليه ..كل سنة و انت طيب؟
No comments:
Post a Comment