افكار مصر الجديدة ؟؟

اكاد ان اجزم ان شيئا ما تغير فى مصر فى سنواتها السابقة خلال ترحالى؟لم يعد هناك ابتكار و لا ابداع ؟من اى نوع ؟ لا فى العمل و لا فى الحب ؟و لا غيره و حياتك؟الافكار الجديدة التى تراها الان فى مصر كلها ذات دافع واحد ..الا و هو انك تلاقيلك مكان وسط ال 78 مليون على سطح الارض الجديدة برضه! ازاى بقى ؟ باى طريقة ؟ شوية ..خالف تعرف ؟ و شوية اتكلم بصوت عالى ؟ مش مهم المضمون ؟ و شوية حاول تبقى صاحب وجهة نظر و خلاص ؟ مش مهم بتقول ايه ؟ و شوية عارض الحكومة ؟ و شوية ايد من يصفق؟كله كلام يا سادة ؟ حتى المحسنين و المظبوطين ؟ اتعلموا يبيعوا انفسهم-بالمفهوم التسويقى طبعا-يعنى ياخدوا مكانة و صيت من ورا احسانهم للعمل و المواعيد؟؟

نهايته ...يا سادة ..تخيلوا ان افكار الاصلاح و التطوير للعالم الشرقى كله كانت تخرج من مصر اولا ..و اسالوا رفاعة الطهطاوى وطلعت حرب و العقاد و توفيق الحكيم و نجيب محفوظ ...و افكار الثورات و التحرر كانت تخرج من مصر لتنير العالم ..و اسالوا محمد عبده و السنهورى و مخلوف و هيكل ..و شرارات النصر و المجد دائما تزيل الغمم بدا من مصر و اسالوا السادات و الشهيد احمد احمدى و المشير احمد اسماعيل و ابطال حرب اكتوبر عسكرى عسكرى ..وافكار الحب و اغانيه كانت و لا زالت تعنى النيل و الخضرة و الجو الجميل فى مصر و اسالوا امير الشعراء شوقى و حافظ و احمد رامى مرورا بالمطربين عبد الوهاب و الست و حليم و من يقلدونهم حتى الان؟حتى الموضة و الله ...كانت مصر اساس الموضات و الاذواق و الاتيكيت و الاصول ؟ و اسالوا شيكوريل و عدس و صيدناوى و بيير كاردان ..اول فروع بعد لندن كانت بتفتح فين غير القاهرة ؟ حتى السكة الحديد كنا تانى دولة فى العالم تعملها ...الخ الخ ..كل ذلك للاسف على يد جيل الانفتاح اللى عمل ملايين لم و لن يمكن تخيلها من الثمانينات و حتى الان ..عشرون سنة يا سادة غيرتنا للاسوأ..و سببها انه لم يعد لدينا افكار جديدة؟ لم يعد لدينا قيادات تجدد الفكر فى الساسة ( حكومة و معارضة) و لا قيادات تجدد الفكر الاقتصادى ..الاغنياء الجدد بتوع استورد و خد عمولة و انتهت علاقتك بالموضوع من استيراد اللب الى استيراد السيارات كلهم سواسية ..بلد مفتوحة على مصراعيها لتكون سوقا لمنتجات خارجية ...و الانيل من ذلك افكار خارجية؟ يا سادة ..انعدم فينا الفكر ..بمواصفاته ..ان يكون عمليا ..واقعيا ..متسما باصول التفكير و التجديد و العقلانية و خدمة الواقع المرير الذى غدونا فيه ؟ و لا عجب الان ان نجد شبابا ..يحلم بالثروة المفاجئة ؟ و يحلم و هو صاحى ؟ بالبورصة و الاثار و تقليب الاراضى؟و لا عجب ان نجد شابات ..تحولوا الى الحلم الجميل عن الود و الفروسية التى لا تتحقق و رجالات الزمن الجميل اللى مش ممكن ييجوا بالحلم ؟ ييجوا يا سادة لما نرجع نفكر ..و نربى ..و نتعب و نجدد ..و نشع التطور ده فى مجتمعنا و من حولنا ..و لما نلاقيه بيتنفذ ..ساعتها للشباب ان يهللوا و للبنات ان يصفقوا لصلاح الدين فارسهم الهمام ..و الله انا مشفق عليهم كلهم من الحلم ..و اخشى ان اصاب قبلهم باحباط و تسيطر علينا جميعا افكار ..مصر ..الجديدة؟؟و يبقى كل سنة و انت طيب