اليوم و على غير العادة بحثت فى اعمال تاسيس الشركات و الاستثمار و الخدمات ..و مع روتين البعض ..قابلت مرونة الاخرين ..و مع تبلد البعض ..صادفت سهولة اجراءات الاخرين ..يا سادة بصراحة ..الاجراءات بقت اسهل كتير لكل مصلحة عاوز تعملها ..و ماتنساش ان كله بتمنه ..رسوم اعلى ...بس خدمة احلى و اسرع ..كويس و الله ..كمان و لحسن الحظ قابلت رجل اعمال شبعان اصله طيب ..و الاصل غلاب ..اول كلمة كانت الحمد لله ..و كفاية عليا نعم ربنا و انا استكفيت فلوس و شهرة و نفسى اعتزل و اتفرغ لعيالى و للعبادة ...اخر كلمة كانت نفسى جيلكم يلحقنا و يتعاون و يتكاتف لبناء مصر جديدة ليها شكل احلى من اللى لقيناها عليه فى جيلنا ...و ما بين تلك البداية و النهاية الصادقة ..معانى كبيرة من مفاهيم الادارة الحديثة و البيزنس المظبوط و الدراسة الراقية مع الخبرة الطويلة ..الحقيقة انه واحد من القلائل الذين صادفتهم فى مصر له نية ان ينصحك بجد ..ازاى تطلع نفس السلم اللى طلع عليه ..فى حين ان الباقيين ..بيرموا السلم بعد ما يطلعوا..يا جماعة..حتى و ان كان استثناء فى رجال الاعمال ..بس مصر بخير ..ختام اليوم الشاق الجميل..كان احلى مفاجاة حينما ترى شباب جامعى بيجتهد فى معظم وقته لسد حاجة فقراء منطقته و السعى على سد جوعهم و تامين احتياجاتهم ن طرف المتيسرين ...حاجة تفرح..مصر فيها دواير كتيرة ..خليك فى دايرة الاصل الطيب ..تلاقى الدنيا كلها حلوة...ياريت حلم الشعراء يظل متفائلا للاحسن...اكيد فاهمنى كل حالم على ضفاف البحر؟
No comments:
Post a Comment