القاهرة- اتهم الدكتور يوسف بطرس غالي وزير المالية أزمة انفلونزا الطيور بأنها السبب الرئيسي وراء الارتفاع الحاد في التضخم.
وأشار غالي الي أن زيادة اسعار خدمات الاتصالات والمنتجات البترولية تسببت أيضا في ارتفاع التضخم لأسعار المستهلكين إلي 11.8% خلال أكتوبر الماضي، مقابل 3.1% خلال نفس الشهر من العام الماضي...و الان ابشروا يا رجال و نساء و موظفى مصر المحروسة ...لزقوا اهمالنا و خيبتنا القوية فى تحقيق تقدم او انتاج ..لزقوها فى الفراخ ..و السؤال المحرج الان ؟ ان السيد الوزير لم يوضح لنا ما يقصده ..هل هى الفراخ السمان ..ام الكتاكيت الصغيرة فى السوق التى بالكاد تكفى لقمة عيشها و بتقضى باقى عشاها نوم؟مطلوب توضيح قريب حتى لا تغضب الفراخ السمان ..و مع اعترافنا ان معظم ديوك مصر قدموا طلبات هجرة جماعية و الباقيين فى المحروسة خايفين يصيحوا قبل الاوان ليتهموهم بالسبب فى الازعاج بالقاهرة و ما حولها ..فالاولى بنا الان بعد ذلك ان نحافظ على الكتاكيت ..يمكن ربنا ينفخ فى صورة حد منهم و يطلع لنا ديك جديد بياذن بجد؟تفتكروا ده ممكن يحصل ؟و الله ده حلم كل فراخ مصر؟.
No comments:
Post a Comment