خلعوا دماغنا بنات جيلنا بكلام عن المراة و حقوق المراة و مجتمع ذكورى -و الله ما نا عارف معناها غير انى ممكن اسهر بره و لسه راجع ؟-المهم اننا سمعنا و قرانا كثيرا من الجيل السابق ايام الست ميرفت امين و المرحومة ماجدة الخطيب و الاخت فاتن حمامة عن حقوق المراة من اول صراع فى الوادى الى ابى فوق الشجرة ..و بعد ما مرت سنين و سنين و خرجت المراة باسلحتها المتعددة بدانا نرى مواقف و برامج نسائية جيدة تصصدمنا تعنى الانفراد و التحكم و التملك و الكلمة بكلمة بحجة مساواة و الراى براى بحجة شخصية و لا حديث عن المشاركة مع اختلاف الادوار زى الدفاع و الهجوم فى فريق واحد -زى المدير الفنى ومدرب حراس المرمى فى تيم بطولات ..المهم ياخدوا البطولة سوا مش المهم مين ياخد اكتر من مين شهرة و دعاية قدام اللعيبة ؟ نهايته ..صدمتنا كتابات بعض المتفلسفات ..و هن يصفن ..لحظة انتظار العريس اللى جاى يعاين البضاعة ؟ و ندمها الشديد على غسل الكراسى و السجاجيد اللى الغلبان العريس حايدوسهم بجزمته المحتاجة نص نعل ؟ ناهيك عن وصف انوثتها اللى انجرحت لما نظر لها بعدسات نظارته اللى تخنت من كتر الشغل عشان يقدر ع الجواز ؟ و كرامتها اللى اتبهدلت لما سالها عن قدراتها و معرفتها صاحب الكرافتة المزيتة ؟ و افتكرت صباح و هى بتوصف صلاح ذو الفقار ..يا مشحم يا مزيت ..مع انه كان مهندس ميكانيكى صاحب ورشة فى الفيلم مش موظف كمان ؟ ربنا معانا ابناء هذا الجيل الكادحين اللى بداوا يشوفوا المراة جامحة مش متزنة ؟ تحتاج ضبط زوايا قبل ما تصطدم بالحائط و ماتلومش غير دماغها فى وحدتها ..المهم انى انا بره القصة دى مؤخرا ..و لكن المفاجاة ان اللى فاتت جنبنا ..كانت زى الهوا ..و مع اهم رسالة ..ما ردتش ..و رديت و كمان رديت ..و فضلت ارد لحد ما غابت ..بس هى تفوق من على شط البحر ؟ قبل ما اتنفس تحت الماء ؟ اظاهر السهر اثر عليا ..مانام بدرى زى الناس لازم اعمل فيها راجل يعنى ؟
No comments:
Post a Comment