يبدو ان موضوع حلمك يا شيخ علام بيتحقق معايا الايام دى؟ و اللى مش مصدق ...يقرا مدونتى عن ( تجربة بلد حى يتفاعل ) و انى توقعت ان أردوجان من فطنته لن يرشح نفسه ؟و قد كان بعدها بكام يوم ...بس الغريب انى انكشف عنى الحجاب المصرى كمان ..و كتبت ( حينما يخفت صوت الفكر من كام يوم )عن خفوت صوتنا لدرجة ان السعودية قررت تعمل جسر بينها و بين مصر ..و لو من طرف واحد بعد ما صدقت نفسها ان لها دووور اقليمى؟؟و تعالوا نطالع تصريحات الرئيس اليوم ..فيها رفض مصر لاقامة جسر سعودى الى شرم الشيخ ؟يا نهار ابيض ...مش ناقص غير انى اقلد عادل امام و اتوقع حوادث الشوارع و القطارات ..بس فين حسين فهمى ..قصدى المسؤول اللى يطاوعنى...يا سلام و ابقى ساعتها سلطة و الله ؟ اظاهر انى صدقت نفسى ..و حلمت بالسلطة اهو؟ادى عيب الطموح ..؟هما اكيد صدفتين حققوا لى سبق صحفى و السلام ..و لما يتكرروا حاعلق تانى؟ حقى ؟و لا مش حقى ؟ مع الاعتذار لنور الشريف ؟؟
2 comments:
اوعى تفكر في السلطة يا فيلسوف احسن تنسى البلد و كل حاجه لان السلطه لها وجاهه من نوع اخر اولها نسيان الجميع و مصالحهم و التفكير في نفسك و بس و ساعتها يبقى ما فيش فلسفه و لا كتابه و لا ... ... و لا .... ولا
ههههههههههههههه
لا حقك ياسيدى
هو لو الفيلسوف مفكرش
مين هيفكر
عالعموم
انا لازم انزل الأرض عشان اتابع مصالح البنات اللى تحت ياعمنا
هههههههههههه
والله نفسى اقرا كل كتباتك بس اعمل ايه
الامتحانات بقه ورانا ورانا
الصبر .ربنا يلهمنا الصبر
Post a Comment