اودى فلوسى فين؟
قلقان زهقان مش طايق
الحال شفته و متضايق
انا نفسى احط فلوسى بره لاحسن ما نلاقيهاش تانى
يابنى بلدك
لا
ياحبيبى تاثر على اقتصاد البلد
برضه لا
يا سيدى معلهش بكرة تتعدل
لا
طيب ايه اللى قلقك؟
منظرهم و هما بيسحلوا المتظاهرين؟
يا عم ده دلع؟
انت كده شفت حاجة؟
لا يا عم انا قلقان شقيان تعبان
نفسى اطمن عليهم فى مكان قبل ما انام
طيب خليهم عقارات؟
لا مش ماليش فيها
طيب نص بره و نص جوا؟
لا مش واثق؟
طيب سؤال محرج؟
كام المبلغ كله اللى محيرك؟
60 الف دولار...يعنى 350 الف مصرى
عذرته شوية و زعلت كتير و الاهم؟
قمت و سبته يدفع القهوة بلا رد!
No comments:
Post a Comment