لو كل واحد فينا يحلم حلم
نحصد 75 مليون حلم
لو كل واح منا يسعى يشوف الحلم حقيقة
نشوف 75 مليون سعى
10 مليون طفل يروحوا المدرسة ..مش حانلاحظ احلامهم البريئة الصغيرة
و 10 مليون ست يربوا الولاد فى البيوت و يحلموا يشوفوا الحلم فى عيون مستقبلهم بالبيوت مش حانلاحظ تعبهم
و 10 مليون جدو حايقعدوا على قهاوى التراث ينفضوا غبار الزمن مش حانلاحظ تعبهم
و 5 مليون حايتكعبلوا فى زحمة المواصلات
و 5 مليون حايتحبسوا فى مترو الانفاق
و 5 مليون هجوا و سافروا يعملوا حلمهم بايديهم بس حلم فردى مش حانحسه
و 5 مليون مطنشين مش عاوزين مش فاهمين مش راضيين مش منسجمين
و 5 مليون مستفيدين اوعى تشوفهم لا تبطل تحلم و تستكين
باقى كام يا ام المصريين ؟جوا عيونهم فيه احلام مستنيين ؟؟
باقى 20 مليون شاب و شابة و حلم و دبة رجل تدوس على طرق الصحرا الوعرة و تقرب كل بعيد للبلد الصابرة و تزرع تقلع تصنع ييجى 20 مليون شجرة و لا تصدر و لا تتاجر و لا تتطور و لا بتعمل كل جديد قد كتييييير من ولايات العالم الحرة ؟؟
بس مين يحلم ؟؟
No comments:
Post a Comment