عجبتهم اللعبة؟

بعيدا عن نقاشات البلد الداخلية ..و المدنية و الدستورية و اللى هيا ..لفت نظرى خبر لا يمكن لمن هم مثلى السكوت عليه ؟الا و هو ان السعودية بعدما نجح اجتماع مكة ..الذى جمع فتح و حماس ..فى ايقاف القتال الداخلى ..و ان لم يسفر عن وزارات و لا حكومات الى الان ؟؟الا انه نجح دعائيا و سياسيا و سحب البساط من تحت ناس كتير ...اولهم مصر ...المهم لغاية كده و كان الموضوع محبوك و لعب فى الجون ؟؟ لكن لان اصحابنا السعوديين مش لعيبة بجد ؟ انما دايما يشتروا ادوات اللعبة بفلوسهم ؟ و لانهم مش عارفين اصول المغلمة و ازاى تبقى كبير الحارة دى قصة تانية ..ما يمشيش عليها قواعد الخبطات و الفرقعات الاعلامية زى اتفاق مكة ؟ و لانهم عجبهم اللعبة و حبوا ان الناس تصفق لهم على طول و يمكن خيالهم راح لبعيد ؟؟ قاموا امس بدعوة اطراف اللعبة اللبنانية للحوار و الاتفاق فى السعودية ؟؟ و طبعا الموضوع عمره ما حاينعقد ؟ و اذا انعقد مش حاتكمل الاطراف ؟ و اذا كملت مش حايتفقوا؟ و اذا اتفقوا مش حايتنفذ ؟؟لان الحسبة كده ليها معايير تانية خالص؟اللبنانيين مهما كانت ظروفهم الان الا انهم ليسوا تحت احتلال و ليسوا مضطرين لمجاملة السعودية و لا مصر و لا حتى سوريا ؟؟و كمان معاهم فلووس باستثناء اولاد الحريرى اللى لسه محتاجين الجنسية ؟ و كمان فيها سنة و شيعة ؟ و بالتالى السعودية حاتدخل نفسها عش دبابير ايران برجلها ؟ و كمان فيها سوريا و حدودها فلازم ترضى حكومة سوريا بقرشين؟ و لان السعودية لا تدفع كثيرا ...و تعودت على اخذ الدعاية امام القليل ..فلن تنجح القصة كما ذكرنا .. و اتمنى الا تنعقد اصلا ؟ لانها لو انعقدت و فشلت ..حاتلبسها السعودية لمصر ..و حاتحشر دبلوماسية عمنا ابو الفلاح ..اقصد عمنا ابو الغيط ..فى القصة و تقوله شيل يا معلم ...ما هو اصله كمان عجبته لعبة انه بيتكلم ( دبلوماسى)..و اهو رزق دوول على ...؟عموما ان غدا لناظره قريب ..و بكرة نقعد جنب المؤتمر و نسمع المنتظر ؟