ابدا مش حكاية هالة سرحان و لا الاخوان؟

عدنا و العود احمد .....و صحيح ان مصر بكل ما فيها من مشاكل ..احلى كتير من بلاد كتيرة مجاورة تدعى انها متقدمة ؟

المهم ..عودة للعمل الدؤوب بصفتى منتدب عن جيل شباب المستثمرين امام التيار الطاغى من الكبار ..المستثمرين طبعا ..اللى قصدهم يدوسوا علينا ..و ما تقوملناش قومة بعدها ؟؟و بمناسبة تكرار حديث الكبار عنا ..تبين لى ان جريهم ورانا ليس لصالحنا بل لمص دمنا ..و ان دفعه لنا ليس للامام و لكن للهاوية..و باستثناء السادة الاباء الذين بلغوا الان فوق الستين ..و قد كانوا جيلا مكافحا يعلم قيمة الشرف و الامانة ..فان الجيل اللاحق قد اكمل الان الخمسين و هو لا يمت بصلة للاول ..لانه جيل تربى فى شبابه على الانفتاح و اللى تغلبه العبه ؟ و مبادئ ادعوا كذبا انها راسمالية و اليات سوق ..و يشهد الله انها ليست كذلك ؟؟ و لكنها انانية و اختيار اقصر الطرق للسمسرة من دم غلابة هذا الشعب و حين ياتى دورهم فى رد الجميل له يتهربون من كل شىء حتى الضرايب و الجمارك ..الخ؟و نريد ان نسال اى واحد منهم ..امتى اخر مرة اشترى شجرة على حسابه فى الجنينة التى يطل بيت سيادته عليها و ترفع سعر بيته ايضا؟؟المهم ان ذلك الموضوع البيزنساوى البحت ..له صلة بما يجرى الان من هجوم على هالة سرحان --رغم انها هى هى و لم تتغير منذ زمن ؟ و مواضيعها المثيرة تماما مثل قبلاتها المثيرة -للشباب- من ضيوفها ؟ انما لماذا افاقت الصحافة و النيابة عليها الان؟؟و نفس السؤال سيوجه قريبا حينما يفيقون للاستاذ شوبير ..ملك دريم ..عفوا المسيطر على نصف ساعات عرضها ؟ و نفس السؤال -مع الاستغراب - سيوجه للصحفيين الذين يقودون حملة ضد الاخوان و الوفد و المعارضة كلها ..ليس لارضاء الرئاسة ..لانها لا يمكن ان تقبل ذلك العبث بعد تلك الخبرة فى الحكم؟ و ليس لارضاء الحكومة لان مفيش عندنا حكومة ؟ و انما من اجل مبدا التافه و الهايف و الفاضى ...( تعال فى الهايفة و اتصدر) ايوه كده تنشهر و تنعرف و اللى يولع يولع ..ما نت اصلا مش ( مسؤول ) عن حاجة ..و اذا سالوك ..قوول مفيش حاجة ..دى حرية ..ليا بس ..لانى ولا حاجة ؟ ..و ياخوفى على جو الاستثمار ليتاثر من لعب الصغار ؟؟ و السماسرة و الهايفين و المستاسدين ببرامجهم و اقلامهم ؟ الا بالمناسبة ..ماعدناش نشوف كتابنا العاقلين ليه ؟ يادوب الان تشترى من كل الجرايد الحكومية الاهرام فقط ..و لما تحب تقراه ..تقرى 3 اعمدة لانيس و سلامة و بهجت و احيانا عقل بتاع الاقتصاد و بعدين تقلب على العقارات و السمسرة ؟؟ راحوا فين الكبار ..الشبعانين بجد؟؟ يوووه ..لسه مش قادر تنسى الكلمة دى؟